Monday, 25 May 2009

讚你變成害你

因緣際會得見一群18-24的美少女,較為的叫法是靚模靚模是有口字部,即是年輕的意思,本地的潮語真的越來越潮。

靚模是一個統稱,適用於所有樣子長得還可以的少女,她們並不需要切切實實地正在做模特兒,只需曾經輕輕接觸過任何拍照的工作,當過一些路演,漫畫節的推廣大使,就算只是一次半次也已經成了靚模,本市對模特兒的數目之多,能與內地孕婦爭一日長短,她們的專長九成都是唱歌跳舞,嗜好也是唱歌跳舞。

以下是我與她們的部份對話:

問:你平時有咩嗜好?

答:我好鍾意睇戲,咩戲都睇。

問:咁算唔算戲痴?

答:算架!

問:有冇睇過發條橙?

答:唔……冇,咩嚟?係咪百老匯電影中心嗰啲?

問:有冇羨慕詹瑞文?

答:又冇嘅,我覺得佢好成功囉…

問:覺得佢嗰啲個人演出做成點?

答:咁我又冇睇過喎。

問:你覺得自己最叻係咩?

答:唱歌!

問:除咗唱歌呢?

答:跳舞!

問:仲有冇其他嗜好?

答:….我諗都係唱歌。

問:你有咩好想做?

答:好想喺水底影相,不過個水底唔可以有魚。

問:..咁即係池底吓麻?

和她們閒聊的時候,有個問題一直盤旋在我腦海:假如吾家有女,我想她有美貌還是有智慧?

我不是說那群靚模沒有腦袋,她們年紀少少,很多已懂得為自己打算,但上文就是與她們的部份對話, 明顯地不需要濫藥,思想流暢度也很有問題。


有說現在的年青人思想早熟,我想只集中性觀念,143P那些,內涵卻不能同步增長。不要說她們只是十八廿二,年紀大一點內涵就會走出來;年紀大一點,皺紋走出來才是真的,內涵是要培養的,一個人到了十八廿二,其思想性格品味至價值觀都已經有了一個雛型,要改變也太遲。


沒有內涵,可以怪誰?怪只怪從小到大我們已經開始荼毒她們,讓她們知道長得漂亮的好處,得到人生的第一次讚美就是有人說:幾靚女喎!小小年紀便已經知道有以貌取人這回事,擁有標緻五官就等如有了一道方便門。

下次讚小朋友,試試不從外貌五官著手,可以讚他們彈琴彈得好,手冊寫得整齊,說話有條理,待人有禮等等等等,光讚小朋友漂亮,是誤人子弟之始。

4 comments:

Anonymous said...

咦!呢篇寫得好獨到喎!
朱朋

Anonymous said...

good, I agree.

Anonymous said...

小朋友,你篇文章寫得好好喎

Angie

南方舞廳 said...

angie 多謝哂你;叫我小朋友,青春返哂嚟!!!