繼續開倉

愛情說穿了只不過是「三幅被」，同一個情感狀況用不同的角度重覆又重覆地表達而已，所以45個版本，經篩選，得出25個，這是其餘的10個。
希望大家不要悶親。


喺coffee shop 見到有對男女，成個鐘頭一句說話都冇講過。後來，男嘅起身走咗，淨返個女嘅坐喺度喊；隔咗一陣個女仔旁邊坐咗另一個人，佢哋好用力咁攬住對方。
究竟佢係被傷害嗰個，還是傷害人嗰個呢？


愛上我 idclub.com



你對你哋嘅將來已經冇信心，但係要分手又唔捨得，於是你開始諗返佢嘅好處，又覺得好似有啲希望。人人拍拖都會自己呃自己，咪睇吓拖得幾耐。

愛上我 idclub.com



每次受傷害都需要一段時間復元，以為有多啲經驗就唔會咁傷；點知人越大就越唔受得，每次結束一段感情都觸目驚心，話過唔會俾自己有下次，但係又擔心真係冇下次，想要一個好結局真係咁難？

愛上我 idclub.com



我俾心機讀書會有好成績，勤力做運動可以減肥，但我用咁多心機去愛你，你話我聽，我得到啲咩？

愛上我 idclub.com



鍾意一個人應該唔想佢受到傷害，但係有時你竟然想佢遇到啲唔開心嘅事，譬如俾老細鬧啦，傷風感冒，又或者唔見銀包，等你有個機會安慰佢，乘機借個膊頭俾佢挨吓，愛情的確會令人不擇手段。


愛上我 idclub.com



我一日瞓八個鐘，每日飲八杯水，唔煙唔酒，謝絕高脂食物，年年驗身，過馬路小心睇車。我好愛惜自己，因為我要比你長命，照顧你一生一世。

愛上我 idclub.com



如果一生人只可以愛一個人的話，我已經搵到，我諗佢都係，我唔會變，佢話佢都唔會。可惜，我搵到嗰個係佢，佢搵到嗰個唔係我。

愛上我 idclub.com


你見到你愛嘅人生活得好好，日子過得好開心，無憂無慮；可惜，能令佢快樂嗰個唔係你，愛一個人都係想佢開心，如果佢同你一齊得唔到快樂，你仲想唔想佢同你一齊？


愛上我 idclub.com


有時會諗，想同你一齊有多啲經歷，打杖呀，世界末日呀，甚至只係打風或者塞車過海，有多啲事發生，感情好似會鞏固啲，有咁多回憶，你想忘記我都難。


愛上我 idclub.com


不經不覺同你識咗十幾年，我哋一齊讀書，一齊搵工，一齊拍拖，一齊失戀，乜嘢都可以同對方分享，我諗我哋會係一世嘅好朋友；但係有一樣嘢一直唔敢同你講，怕話咗俾你聽連朋友都冇得做……


愛上我 idclub.com