Tuesday, 2 December 2014

誰主導暴力?

前兩日喺街行,聽到後面有位大叔好大聲咁話:「而家啲人玩流動佔領呀!開鋪做生意嗰啲真係慘。」我就以為佢下一句應該講,打死班廢青啦,點知佢下一句係:「個政府真係不撚知所謂,好好哋同人傾啦,咩都唔理⋯⋯」然後佢嘅身位過咗我,我見到揪住四罐獅威嘅佢,我覺得佢好明事理。

冇錯,做成今時今日嘅局面係因為689冷對待學生要求,只利用警察將佔領人士培育成他們口中的「暴民」,首先將戰線拉長,製造民怨,讓佔領運動破壞正常生活。要成就「暴民」就要惹起他們的怒火,警察的處理方法是一剛一柔、一冷一熱。清旺角,派啲食咗藥或冇食藥的出來,行駛共黨御準的暴力,殺紅了眼是大會指定,目的就是要惹起仇警心態;第二天便見到一些罵不還口的警察出現,成功設定暴民與執法者的形象。

雙學宣布衝擊政總是正中下懷,大條道理打出應付暴民牌,暴力清場;遇上有自發性出言挑釁者:「再嘈拉你返警署強姦」是錦上添花,聽者自然失去理性,追打此等人渣啦。
梁特適時見記者,苦口婆心,說青年人若果被捕,要留案底,便會影響出國留學,所以警方一直忍讓「是可忍敦不可忍」,真是難為了家嫂。

面對厚顏無恥、冷血刻毒的政府,我們要看清楚誰在泡製暴力,再為這種暴力正名,誰令市民不守法,不守法的背後的原因是甚麼。


佔領運動無功而還的結果高唱入雲,其中一個原因是社會有分歧,今次運動如果能夠改變到一兩個人的想法,佔領者的頭才沒有被白仆,大家盡一點力為不明白的人講解一下吧。

No comments: