Sunday, 27 July 2014

I'm Leavin' it.

究竟唔知好定唔認好?如果那不只是黑心肉,而是有山埃的話,麥當勞火星咁大個集團都會由於發放信息混亂,而不知道自己究竟有沒有入了山埃貨,那麼吃了他們的食品而中了毒的市民咪死幾次都未知咩事?不過,火星咁大個集團,是沒有可能不知道自己的貨源是哪裡來,所以本來一定打著如何瞞天過海的算盤。

到了被網民踢爆才施施然扮唔知「係喎,原來有喎。」幸好,今次只是發臭雜肉,食唔死或者未食死,早知同遲知都沒有分別。

更好笑的是麥記竟然怪食安中心做咩唔同佢拖住手一齊發放消息,「對署方的動機不作任何揣測,但深表遺憾。」都可算是霎戇,人家同你partner 麼?看到一家堂堂大企業,有如此拙劣的處理危機手法,加上有把責任推卸的意圖就真係遺憾。

今天那位一姐出來見記者,又再好笑啲,好學唔好,學埋「不接受記者提問」,陳冠希咩你而家?作為一個負責任的企業,應該時刻保持透明度,出了事更加要懂得如何面對傳媒,求 忍其讀你想讀的聲明,聲明裡而有致歉兩集字都已經好似皇恩大赦,講到「管理層」三個字仲要擰一擰去後面,即係話後面班契弟有都有責任,呢個身體語言都真係多舊魚,請問佢哋邊間公關公司?麥當勞除咗危害市民健康仲傷大家的感情,對這個品牌怎會沒有感情?


我決定多啲留喺屋企食飯,或者去阿信屋買多啲日本杯麵,就算要食死都唔要死喺仆街大陸啲黑心肉,地溝油手上。

No comments: