Saturday, 22 October 2011

那些年

「那些年我們一起追的女孩」 自從優先場之後, 口碑轟傳, 每一個認識的人也大力讚好, 我主觀地認為是因為男觀眾十分投入其中,這也是看小說時的感覺, 畢竟這是一個青春期發生在校園的追女仔故事, 一段作者的青蔥歲月。

但事實並不如此, 雖然電影有很多麻甩仔情懷, 但關於青春的回憶, 是男女不分, 青春過的, 正在青春的都會有共鳴。

生命有很多章節, 為甚麼我們總是對青春的消逝有那麼多的感慨, 因為青春能夠發放最多熱能, 甚麼都不怕, 最少顧慮; 學生時代的戀愛是青春最堪記的事情,因為可能只得一次機會可以愛得那麼簡單, 無聊;但青春時的戀愛都是懵懵懂懂的來, 自自然然的走。

人生有很多事情都正如這些愛情一樣,徒勞無功, 縱然沒結果, 但一樣要去做, 因為那個過程會永遠留低。因一個人, 一件事燃亮過的人生, 那個亮點永遠都會存在。

從時間的定律來看, 青春是會距離我們越來越遠, 或許它在另一個平行時空運行著, 這個想法有點不實際,我們需要有的正是青春才負載得起的愚蠢, 愚蠢得起,人生便沒有甚麼遺憾。

看九把刀的作品最可取的不是其天馬行空, 而是他對生命的沸騰, 憾事在他手中都成了好事, 看他的書千萬不要錯過每本書的後記,每次都看到一個燃燒的心在跳躍, 他的成功正如他所說不是因為天才, 而是誰能堅持到最後。

3 comments:

seekyu said...

我們不是天使 的iphone app load得好慢呢

Anonymous said...

I like this so much "但青春時的戀愛都是懵懵懂懂的來, 自自然然的走。" perfect description !

ken said...

那些年導演九把刀有講過,那些年小說係100%真嘅,電影係改咗dd!
所以睇完電影之後,好耐先平伏到;跟住睇小說look look。
小說交代好多嘢,不過明顯電影改到煽情好多。
電影入面令我地覺得柯景驣嚮行為上表現得更火熱咁愛沈佳宜,係進行式;小說入面嘅柯景驣都愛沈佳宜,不過似乎小說係寫柯景驣對逝去嘅感情嘅緬懷多d,係過去式。
不過除非九把刀有同真嘅沈佳儀聯絡過,否則小說∕電影中沈佳宜嘅反應都係九把刀估出唻!
例如灣灣問沈佳宜最鍾意邊個,沈佳宜答乜九把刀點知?
放孔明燈一段,沈佳宜寫“好,在一起”放上天,九把刀又點知?
男主角連女主角隻手都未拖過,雖然係表白過,但女係冇正式受過。
至地震時,男女主角通電話前,其實小說已經提咗佢地各自己經打咗電話比其他人報平安;而當時雙方亦各自拍緊拖,可想而知佢地真係唔算太深愛。
沈佳儀電話中亦提過,如果我再單身,我會願意同你一齊;但柯驣好遲先同“毛毛”分手,柯驣當單身後亦無第一時間揾沈佳儀,但當沈佳儀再搵柯驣嘅時候就係話比柯驣知我要結婚喇。
沈佳儀係九把刀心裏最愛,但九把刀知沈佳儀對佢只係普普通通,曾經沈佳儀比過機會,但九把刀無積極爭取。
點解?我估,其實你我都可能有咁嘅決擇,自己咩料呀!?(睇下九把刀身形外貌就明)
九把刀可能根本對自己無咩信心,沈佳儀係嚮佢心中地位太高太女神,真人亦靚,又多人追,九把刀知道根本襯唔起沈佳儀!
e樣大家有冇類似經歷?我有,所以我對那些年有共鳴(有遺憾)。
對自己嘅女神,甩麻佬係唔會有性幻想;(至少我係)戲中嘅純愛,無床戲,同完場前幻想嘅接吻戲真係令我覺得合理(真實)到無朋友。
其中九把刀話電影係改咗d令那些年更有戲劇感!
例如電影中男女雨中鬧翻,小說係無e件事嘅,只係打拳後男女主角通電話鬧交。
沈佳儀其實係九把刀心中最愛,但我睇出男愛女遠比女愛男嘅深好多好多;
因為九把刀之前籍籍無名,為咗那些年,賣車賣屋唻酬$開戲,為咗乜,好簡單,九把刀套戲係為咗沈佳儀唻拍嘅!
沈佳儀就萬千竉愛在一身,雖然佢唔高竇(e樣香港好少有),但佢有太多筍盤,佢用理性揀咗其他人,佢可能知道九把刀嘅心意,但沈佳儀唔揀浪漫。
唔知今時今日沈佳儀有冇再受感動呢?