Tuesday, 27 September 2011

準備鬧交

那些市民在公眾地方互罵互片的事件無日無之, 但來來去去都是發生在各式車廂內,八婆八公無意義街市式吵嘴, 而且都是粗口橫飛, 或者來來去去都是說那三兩句,重覆又重覆, 沒甚麼看頭。

鬧交其實最能反映一個人的急才,有水準的你一言我一語是要經過長時間訓練, 一場有觀賞性的爭執需要雙方配合,隨隨便便在街上很難會遇到有質素的對手。

但就算有急才也會因為情緒的波動而影響發揮, 所以有些情況應該及早籌謀,選定一些情況, 狠狠的鬧抵鬧者, 例如:

表演進行期間有人高聲說話。

我: shhhh …

佢(對方反殊,跟朋友說) shhhh … 殊我哋喎。

我:唔係呀 ,點會係殊你哋呀?

你哋膊頭上面嗰兩個老人家講嘢好大聲呀, 靜少少啦。


睇演唱會, 不是全場大合唱的時候跟隨歌手引吭高歌。

我: 小姐, 你介唔介意完騷至去唱K

佢: 做咩?睇演唱會唔俾人唱歌架而家?

我: 你話呢?你睇戲會唔會起身做場戲呀?睇醫生會唔會做醫生呀?睇牙會唔 會做牙?睇數會唔會做數呀?


在戲院被後面的人不斷用腳踢椅背。

我: 唔該你停止踢張椅得唔得?

(不出兩分鐘, 再踢)

我: 唔該你唔好再踢

佢: 我邊有踢你呀!

我:(作打電話狀) 喂, 叫邊個邊個攞定隻假腳喺門口等我, 係呀!女裝, 右腳啦, 37號。


閃電式搶奪別人讓予孕婦的座位

我 : 先生, 你有咗幾多個月呀?仔定女呀?改咗名未呀?你覺得BB有便便緊 要定腦部發育緊要呀?親子國王開咗戶口未呀?你知唔知懷胎十月好辛苦架?你仲唔起身?


以下是推介, 他日遇上這個情況, 記緊要這樣回應。

佢: @﹠#﹪*﹠我DIU 你老母!

你:(不慌不忙) 大家咁話啦!

2 comments:

Anonymous said...

最近看演唱會正正發生閙交事件,事關有個人邊睇邊講野, 仲要笑到好大聲, 隔四行都聽到。被罵的說「關你咩野事」, 罵人的說「宜家係睇黎演唱會,有咩野聽日飲早茶先講。」(唔係高水準的對答)被罵的自知理虧, 所以回罵兩句之後便收口。
但全程冇人幫口閙說話的人。(我其實諗過幫口, 但我坐得好遠, 我把聲又細。同埋一齊的朋友都好斯文, 有幾個仲唔係好熟, 我驚嚇親佢地。但宜家諗番又覺得自己好冇用)。

我諗多個人幫口果個嘈人會快啲收口。但都怕閙到好大, 唔知你冇咩意見。

Anonymous said...

應是"有咩意見"