Monday, 16 February 2009

Revolutionary Road 浮生路

浮生路(Revolutionary Road)告訴大家,面對現實熱戀變不成長流細水就會累積為心中的怨恨。

電影道出千千萬萬人都會想過的問題,就是覺得自己的人生不止於此。
當得到安定的生活,日復日,年復年,不安的心就開始蠢動。

渴望成為演員的April是希望踏上revolutionary road的一個,
她覺得婚姻這個comfort zone令她犧牲了理想生活方式,埋沒自己的才華。
她開始看不起這個盡忠職守的丈夫,她希望他們的婚姻得到重生,
生活可以重燃火花所以。所以April鼓勵Frank去巴黎尋找他嚮往的生活。

Frank其實自己也不滿意他的工作,他不想和他的老頭子一樣終生為大企業裡的一個小員工。 於是當April提出去巴黎從新展開生活時,他也有一點fantasy 。
但但轉職的機會出現,安逸放在面前,Frank就沒有改變生活的勇氣。
畢竟,巴黎不過只是一處Frank在打仗時去過的地方,他對巴黎幻想也可能只是當年泡妞時的信口開河。

April知道生活改變無望令她情緒崩潰,她對frank徹底地怨恨。

Frank只是一個在舞會上逗過她笑的男子, 就這樣和他結婚生子,
就這樣一生給綑綁著。但她越想掙脫,心裡越痛苦,每次發洩過後她都十分內疚。

婚姻是戀愛的墳墓,更是理想的焚化爐,有了家庭很多事情都不能回頭,

做得出漠視對伴侶的忠誠, 也做不出放棄子女的福祉。
而所謂理想只不過是一廂情願的以為自己與別不同,
到頭來卻發現自己無能為力,革命路原來只是一條死胡同。

不只April and Frank有這個問題,他們的鄰居也一樣,只是他們連說出感受的勇氣也沒有。 他們都安於現狀,隱藏自己的喜惡,最悲哀的是能夠廝守終生的夫妻可能都是這樣子。

看完這部電影得出的結論是:最好還是不要結婚。


因為終有一天你會發現最愛的都是自己,婚姻容不下個人主義。

好一個情人節反思。

6 comments:

Panda said...

最開心都係D字大左好多!

Anonymous said...

你好, 我是路人甲, 閱畢有感而發.

浮生路只描述了婚姻的其中一個面向, 觀眾在散場後可以靜心想一想婚姻的其他面向, 否則只會給它牽著你的思路走, 或者因應個人喜好各取所需.

april 同 frank 係間bar 度 "tart" 著之後, 鏡頭一轉就講佢地結左婚, frank 去片場探班, 之後兩個人就係條公路度抄大鑊.好多同婚姻有關既過程同symbol 都無出現過, 好似戒指, 婚禮, 結婚相等等. 呢d symbol 代表住婚姻對兩個人既要求, 好似承諾, 包容, 專一等等一大堆virtues.

咁佢地點解結婚呢? 情到濃時係其中一個原因, 最主要既原因係美國社會對成年人既期望, 大個就要獨立, 佢地順住呢個大方向做人, 結婚, 生仔, 買樓, 升職加人工, 主流大方向係咁, 佢地都無咩諗下就跟大隊. 婚姻就變成左只係去獲得一d由婚姻衍生出黎既野, 好似樓ar仔女ar等等, 但係呢d野並唔係婚姻既全部, 點解要結婚先係重要. 無左背後既原因, 樓ar仔女ar 都只係變左一d無意義既物件.

april 係個失敗既演員, 意味著佢唔能夠帶住個假面具係美國社會生活, 扮唔到美國社會要求大家上演既"幸福家庭", 頂唔順, 結婚唔知為咩, 於是走上絕路. 成日出現個兩戶人頂得順, 就跟隨大眾一世. 正常d 既, 頂唔順又唔結婚又成日玩督爆既數學家就俾人送入精神病院.係咁既社會下生活, 個個都係受害者.

婚唔係唔結, 最緊要睇下自己為咩而結, 同埋婚姻對兩個人有好多要求, 有好多責任要付, 一見鍾情並唔能夠成就婚姻, 婚姻係要兩個人不斷付出不斷努力不斷犧牲不斷經營去成就, 唔係話簽左張紙戴隻戒指攪個婚宴住埋一齊就係結左婚.

而且婚姻唔只係兩個人既事, 係兩家人既事, 片入面好似無講過april 同frank 既父母(好似講過下frank 老豆係個失敗既sales). 如果兩個人相處有問題, 唔係可以向父母請教下? 父母唔係又可以幫下手? 鄰居又幫唔到手? 係戲入面, 鄰居只係互相競爭既對手, 鄰居只係幫自己解決問題既工具, 鄰居只係維持表面和平既手段.

只不過呢個世代自我中心/自戀既人太多, 佢地結婚只會傷害伴侶, 唔結好過結.

paklam said...

個老公甘靚仔都不安於份...現實個d到底點頂?

1974 said...

I agree with Panda, 200%.

南方舞廳 said...

路人甲 : 結婚的原因極大可能係以為結婚是改革人生的一款指定動作, 以為結婚是人生的另一階段, 沒有想過自己是否適合結婚, 又或者以為結婚之後自己可以改過來。
電影不特止沒有二人父母的份兒, 連子女也姐經常"駛開", 光是夫婦二人的磨擦己夠沮喪, 還要加小孩哭啼, 親戚加鹽加醋, 人只會更快癲, 也有可能是二人都不是很愛孩子的那種父母, 有孩子也只是人有我有, 結婚生子成個package 都是錯。如果很愛孩子的那一種人, 應該可以放低自己的理想, 忍受一世的平淡是福, 只想看著女子快高長大。

paklam : 美麗是最脆弱的強項,獲利便要離場。日對夜對, 西施都變北獅..

xiao zhu said...

覺得這是一套很寫實的電影。April就代表了現世代很多的年青人,自覺特別,認為自己應得的應該是更多,到頭來其實是力有不逮,不能面對現實,自編自導自演了一齣悲劇。